المتابعون

الخميس، 19 يناير، 2012

النجف تعلن وصول الوجبة الأولى من الأصنام !

وجبة من الأصنام
السومرية نيوزأعلنت لجنة النشر والتأليف في مشروع النجف عاصمة الثقافة الإسلامية لعام 2012، الخميس، عن وصول الوجبة الأولى من التماثيل الشمعية الخاصة بمتحف المشاهير، مؤكدة أنها تشمل شخصيات عديدة بينها علمانية ودينية.
اصنام اخرى من الشمع
وقال رئيس اللجنة علي مرزة في حديث لـ"السومرية نيوز"، إن "تسعة تماثيل شمعية من أصل 59 تمثالاً وصلت إلى محافظة النجف قادمة من تركيا كدفعة أولى، على أن تصل التماثيل المتبقية خلال الأيام المقبلة"،
مبيناً أن "التماثيل هي لشخصيات علمانية ودينية بارزة فضلاً عن مثقفين وشعراء وغيرهم". وأضاف مرزة أن "التماثيل ستوضع في متحف خاص للمشاهير في قصر الثقافة بعد اكتماله"، مشيراً إلى أن "متحف المشاهير هو أحد الفعاليات الثقافية لمشروع النجف عاصمة الثقافة الإسلامية للعام 2012"

وأكد مرزة أن "المتحف سيضم تماثيل للسادة محسن الحكيم ومحمد باقر الصدر ومحمد صادق الصدر فضلاً عن الشاعر الجواهري وجعفر الخليلي ومصطفى جمال الدين والشهيدة بنت الهدى إلى جانب مختلف الشخصيات الدينية والثقافية والاجتماعية"، موضحاً أنه "سيتم وضع إلى جانب كل تمثال نبذة عن حياة الشخصية ونتاجاتها وسيرتها الذاتية".
**
كاتب عراقي كتب في وصف هذه الأصنام وشرح لنا الفلم كما يلي:
شخصيا صرت شكوكي وأعتقد ماكو شغله يسووها أهل العمايم لوجه الله. لذلك من سمعت بهاي الشغله, الفار لعب بعبّي. شنو القصد وليش يصرفون على تماثيل شمع. شنو احنه ناقصين عمايم؟؟

هسه اشرحلكم شنو الفلم
وين المشكله؟
أولا هاي التماثيل حرام لو حلال؟ ليش قسم النحت بالفنون الجميله حرام ويسوون اصنام, وهاي التماثيل مو اصنام؟ افتونا مأجورين.
أريد اصير اليوم آية الله جراحستاني, واصدر فتوى اكول بيها, هاي اللي بالنجف نعم اصنام وهذيج لا, شلون؟
خلي تجي زايره من طهران وتشوف تمثال الخميني وشوفوا شراح تسوّي, إذا ماطاحت على مداسه تبوسه اني مو سرمد.
يابه اني كلشي ما أريد, بس خلي ينطوني تمثال سيد مقتدى, إذا ما لمّيت مليون دولار من النذوره بشهر كلشي ما افتهم.
والخمس مالكم ادفعه مقدما على اي بنك سويسري اسلامي. وإذا تريدوه فِيَش روليت بكازينو مونت كارلو, هم ماكو مانع.
خو اذا انطوني المتحف كله, يمكن أطلع كلدارية حضرة أمير المؤمنين كسر.
وأخلي الكوّام والكلداريه يجدّون بباب المتحف. ومو بعيد أخلي التماثيل تصدر فتاوي وأعزل الحوزه.
وحتى يمكن اسويهم حزب وادخل بيهم انتخابات برلمانيه واكيد راح يفوزون
على الاقل راح يكعدون بالبرلمان ومايغيبون, وكل فرق ماكو بينهم وبين النواب الحاليين. بالعكس يفيدون الشعب اكثر, لأن يجيبون وارد وما ياخذون رواتب, وما يحتاجون حمايه ولا سيارات مصفحه.
ونفس الشئ عود من يأمرهم رئيس الكتله صوتوا نعم, يصوتون نعم. أكثر من هاي ماكو.
فهمتوا الفلم اخوان, بير نفط جديد!!


المصدر هنا.

هناك تعليقان (2):

بغدادي كردي يقول...

بس للتنبيه فقط اكو واحد بالنجف ميحتاج يسووله صنم . لان هو اصلا مثل الصنم . حرام لايهش ولا ينش

غير معرف يقول...

http://www.dw-world.de/dw/article/9799/0,,15664804,00.html