المتابعون

السبت، 7 أبريل 2012

منحنى خطير و الله الستًار


المصدر : أكــد النائب طلال خضير الزوبعي عن القائمة العراقية إن العراق الآن يتوجه إلى منحنى خطير لا يمكن السكوت عنه مطلقا بسبب المدهمات والاعتقالات العشوائية المستمرة التي طالت مناطق معينة في بغداد وهذا يعد انتهاك وأضح وخطير لحقوق الانسان ويجب محاسبة المسؤولين عنها .

و قال السيد طلال أن المنحنى خطير و سيقودنا نحو هاوية سحيقة محيقة لا تبقي و لا تذر و راح نروح كلنا بالزلك

لكن مسؤولا عن التحالف الكردستاني كذًب تصريحات السيد طلال و قال " صحيح أن المنحنى خطير لكن الستيرن أو ما يسمًى بالسكًان هو بيد أمينة ستعرف كيف تتجه بالسيارة الى بر الأمان "...و لتأكيد كلامه طلب هذا المسؤول نشر صورة لتؤكد كلامه هذا... و نحن بدورنا نقوم بنشر صورة الستيرن و كيفية السيطرة عليه لتفادي المنحنى الخطير كما وردتنا من هذا المسؤول الحباب...و راحت عليك سيًد طلال


********************************

********************************

*************************

**************

********

****



كاكا هو يفتر يمنه...لو يسرة ؟


هناك 13 تعليقًا:

عشتار العراقية يقول...

كاكا: خلصت؟ هسة دوري أفره شوية؟

صقر العراق يقول...

ما مختلفين يجوز الاستيرن زين وما بي شي لكن يجوز التايرات مو زينه والسيارة تسوي چقلومبات بيكم شنو بعدين مو بعد ما يفيد تعضون باصابعكم ؟

فارس النور يقول...

أكول ليش مسعود دائما شاد بطنه ثاري هذا حزام الامان مال كوماري عيراق

على هاي المعلومه حجي شغيدل راح يوزع جايات على حسابي

Yaboo News يقول...

اخي فارس النور
حجي شغيدل وزع الچايات على خبراء ومراسلي الوكالة والجيران حتى سابع جار على حسابك. ويگولك : بلا زحمة دز الشيك بالمبلغ المصروف. الحجي حسبها: عشرة كيلوات شاي وطن سكر، و3 گواني بقصم وكعك السيد.

لبيب العراقي يقول...

هسة فارس النور طفًة الضوايات و شلع من شاف القائمة...بس حجي أبو فليح غلطان...غير يكون الدفع مقدما و الدين ممنوع

فارس النور يقول...

ولايهمك هسه افر السكان شويه وانطيك عشر شيكات صدك جذب نفط العراق موجود.

Yaboo News يقول...

اخوي فارس النور

إذا هيچ، واللي يدفع نفط العراق، حجي ابو فليح تذكر انه لم يطالب بمصاريف نقليات الشاي حتى سابع جار. وعليه نرجو اضافة مايلي الى الشيكات العشرة:
1- اجرة (بوي - ولد) باكستاني (استيراد مخصوص) يوزع الجايات. الساعة بألف دولار. استغرق توزيع الجاي والبقصم 24 ساعة.
2- استئجار سيارة van لتوزيع صواني الجاي حتى سابع جار، حتى يوصل من غير ما ينسكب منه ولا قطرة. الايجار باليوم وليس بالساعة لحسن الحظ. والسعر حسب البورصة العالمية.
3- بدل تعب وارهاق وانخفاض بالضغط للحجي شغيدل، من كثرة عمل الجايات.مع تعويض ساعات اضافية فوق عمله الرسمي.
4- تعويض معاناة نفسية للعلوية ام فليح حرم الحجي شغيدل التي غاب عنها زوجها 24 ساعة في عمل الجايات وتوزيعها.
5- تعويض صداع وانزعاج لخبراء ومدراء ومراسلي الوكالة عن انهماك الحجي شغيدل في صنع شاي للاخرين طوال النهار.

ونرجو من كافة القراء الكرام، اعلامنا بمطالباتهم التعويضية عن اي ضرر تسبب فيه ويرات الشاي على حسابك. وسيتم اضافة كل ذلك في قائمة منفصلة.
والله من وراء القصد.

لبيب العراقي يقول...

طبعا أخوية فارس النور لا داعي لذكر البند السابع و السطر العاشر الذي لن تخرج منه حتى تسدد الدين مع الفائدة...و الى ذلك الحين ممنوع تطير طياراتك على السطح و الا قمنا بحجز ستائر الجيران و جميع ساعات أفراد شارعكم و الخطية برقبتك

Yaboo News يقول...

معك حق يالبيب ذكرتنا بالتايهة. نعم البند السابع.
اخوية فارس النور، يبين والله تورطت ورطة مايعلم بيها الا الله. شنو القضية؟ هل كنت تعتقد ان مسألة ويرات الجاي سهلة، او ان دخول الحمام زي خروجه؟

وعلى ذكر الحمام، لقد تذكر الحجي شيغدل للتو واللحظة انه في اثناء انهماكه في عمل الجايات وتوزيعها اضطر لدخول الحمام واستخدام الدش لازالة التعب والعرق، اربع مرات في 24 ساعة، وانت تعرف لزوم مايلزم في الاستحمام: مصاريف صابون، تدليك، الكهرباء المصروفة في تسخين الماء، غسيل الهدوم وتجفيفها، ومساحيق الغسيل المنصرفة لغسيل الخاوليات.

والسؤال هو: هل كان من الضروري ان تصيح ويرات؟؟

فارس النور يقول...

طلع حجي شغيدل اكسون موبيل واحنه ماندري
هاي شنو يا يابووه طلعت تشتغل بالشركات الجايجيه من ورانه غير تكلنه حته نستفاد وياك

اكول صدك اسمك ليش بي اثنين واوات من يا كوماري كلنه يرحم موتاك كلهم

Yaboo News يقول...

اثنين واوات يعني من كوماري الواوية. هاي شلون فاتتك؟

لبيب العراقي يقول...

و الله آني عبالي من كوماري " بوس الواوا..عض الواوا"

Yaboo News يقول...

لبيب

بوس الواوا = 3 واوات وهذه عشيرة كوووردية اخرى.
أما كوكو واوا = 4 واوات وهي عشيرة شهيرة ايضا في الكوماري الفيدرالي.