عفية جدو

جدو.. جدو...يقولون الأمريكان و ربعنا سووه طشار داعش ما أله والي

الجد: شنهي...منو

جدو داعش...ما سمعت بيهم

الجد: لا و الله...و هذوله شنهي

جدو هذولة منظمة أرهابية أحتلت نصف العراق الشمالي و كعدوا على 

قلب المالكي الى أن أجو الأمريكان و كاموا يقصفون بيهم

الجد : زين هذولة منين أجو

جدو من وراء الحدود

الجد : آنه خوك...قبل ما كان واحد يكدر يفوت الحدود ...إيران بقت 8 سنين و بعدين 

ماكو واحد إيراني بقى بحدودنا...شنهي اللي صار

جدو هاي كلها من وره التمويل الخارجي

الجد: خايب شنو هالكلام...المفروض آني اللي كبرت و خرُفت مو أنت

جدو هاي مو خرافات

الجد : عوفنا من هاي اللي شسمها راعش ...من أجيتني تهوس عبالي صلحوا الكهرباء...شوكت راح يصلحوها

جدو يقولون فد كم سنه اللخ

الجد : صار لهم سنين على نفس القوانه...و الماي؟

جدو يقولون أغلي الماي و كلشي يكعد تمام

الجد : ولك خايب أغلي الماي يعني جيب غاز...و غاز يعني سره..و سره يعني قهر

جدو قابل أنت اللي لازم السرة...أشو كلها براسي...و الكهرباء من تنقطع أكعد أهفيلك...يعني هم براسي...و الماي يوميا أغلي إلك...يعني هم براسي

الجد و هو يهم برفع نعاله ليطيح به أبن أبنه : و لك خايب لمن كل هالمصايب براسك جاي فرحان و تهوس على شنو

الحفيد و هو يبتعد محاولا تفادي نعال الجد : جدو صوجي آني اللي أجي و أحجيلك

الجد  وهو يهم بأخراج لفافة السيجاير يهمهم و يقول : شلون جيل تعبان ما يعرف مصلحته وين...يقشمروهم براعش من صفحه و ينهبون البلد و يدمروه من صفحة اللخ

زين أذا مات جدو شراح نسوي ؟؟؟؟

منو طلع الهندي ؟

المصدر : وجهت وزارة الدفاع الهندية ضربة قاصمة إلى جهود شركة «هندوستان إيورونتكس ليمتد» الحكومية العقيمة الممتدة على مدى 14 سنة لتصميم طائرة «إنترميديت جيت ترينر».

وقال وزير الدفاع الهندي آرون جايتلي: «شركة هندوستان التي عكفت على تطوير طائرات «آي جي تي» لم تستطع حتى الآن حسم قضايا تتعلق بجناح   الطائرة وهيكلها». وأضاف أنه «لمواجهة الظرف الطارئ المتأتي من التأخير الطويل جداً، بدأت الهند بالبحث عن بدائل للطائرة جي آي تي

و عندها أوضح مراسلنا محمود دعبل للسيد الوزير بأن إيران تقول أنها أنتجت طائرات نفاثة بخبرة محلية و هاليوم دينتجون طائرات بدون طيار و صواريخ عابرة للقارات و غيرها فكيف لا تستطيع الهند و هي التي لديها معامل لتجميع طائرات الميج 29 أن تنتج طائرة واحدة فرد الوزير الهندي و قال " أبني محمود...أنت ليش يصير هندي...إيران تنتج طائرات بأفلام هندية...أحنا يريد ينتج طائرات من صدك ...أوضًح أكثر لو وصلت "

...لا يابة وصلت

أستنساخ عن أستنساخ يفرق

المصدر : طمأنت الولايات المتحدة حلفاءها بأن التحالف الدولي الذي تقوده ضد تنظيم داعش لن يستنسخ النموذج الذي قاده الرئيس السابق جورج بوش ضد النظام العراقي عام  2003

وأعلنت الناطقة باسم وزارة الخارجية الأميركية ماري هارف أن الائتلاف الدولي الذي تحاول واشنطن تشكيله ضد «داعش» لا يمت بأي صلة إلى التحالف الذي قادته لاجتياح العراق عام 2003، والذي تعرض لانتقادات شديدة

و في ردها على سؤال مراسلنا سوادي أبو تنكة حول معنى كلامها عن أستنساخ التجارب  قالت الناطقة له و بصريح العبارة " يعني أخاف عبالكم راح نطير اللي كاعدين على قلوبكم أمثال المالكي و العبادي و الحكيم و الصدر و غيرهم مثلما طيرنا صدام و القذافي و غيرهم فأنتوا غلطانين...أمسحوا أيدكم بالكاع...و أنسوا ".....بعدين طلعت و صفقت الباب ورائها....شلون صفاقة

خفايا زيارة البقرة لبلاد البقر

أبو أسراء الوردة : هاي شنو منك يا سيادة رئيس وزراء الهند ماتموهان سنك أبو الحوضين...أشو و لا واحد موجود بالمطار حتى يستقبلني..شنو القصًة

سيادة ماتموهان أبو الحوضين : لا تزعل عيوني أبو أسراء ...ترة التاير مال السيارة طك بالطريق...و بعدين بعد ما السايق صلًح التاير تاه عن المطار و ما عرف وين الدرب

أبو أسراء الوردة : يا عيني يا سيادة مات مو لو هان على الأقل فد تلفون صغير...فد مراسل...حتى فد وزير يمشي وياية

سيادة ماتموهان الهندي : هسًة عاد لا تطوخها أبو أسراء...يعني قابل أنكلبت الدنيا..شسوي أذا التاير طك

دولة أبو أسراء الموقر : على كل عيوني سنك...جايبلك وياية عقود تخليك تشتري سيارة جديدة و حتى تبني مطار يم بيتكم حتى السايق بعد لا يدوخ

السيد مات أبو الحوضين : ليباركك كل بقر الهند يا أبو أسراء...أحنا دائما حاضرين

دولته المهاب : عيوني مات الله يخلًيك...رايدين منكم فد كم طن رز بسمتي...كم قطعة سلاح...كم أستشارة نووية...و شوية بحابيش للأطفال

رئيس وزراء الهند اللي ما أستقبل دولته بالمطار : تدلل عيوني أبو أسراء...بس الدفع شلون

أبو أسراء اللي ما أستقبله أي أحد بالمطار : كله كاش و بالعملة الصعبة و داعتك...بس التسليم يكون في أيران

جناب ماتموهان : آني فعلا القلب مالي كان يلعب من سمعت أنت جاي لهنا...آني صحيح هندي بس آني مو زوج...آني الروبيات مال الهند أهم عندي من كل شئ...أيران لي هسًة ما دفعت ديونها لنا و العقوبات الأقتصادية جعلت الأمر يزداد سوء

أبو أسراء الوطني كلًش: سيادة و دولة ماتموهان أبو الحوضين كل الفلوس و الديون مالك لأيران راح توصلك لآخر فلس...و النفط العراقي راح يسدد لك كل شئ ..و نريد منًك أن تراعي المصلحة العليا للبلاد التي تنتج السجًاد الفاخر..و كله بحسابه

رئيس وزراء الهند : زين و العقوبات الدولية المفروضة على أيران

أبو أسراء الوردة: هاي شنو منًك..ياهو الأهم...قرارات مجلس الأمن لو الروبيًات مال الهند

مات من الضحكوهان : و الله صدك أبو أسراء..هذا السايق مالتي شلون ملعون...ما خلًاني أجي للمطار..آني كان لازم يجي و يستقبل جنابك من الأوًل

أبو أسراء الوردة : يللة ما يخالف..المهم أريد مع الصفقة كم عود بخور و كم قوطية عنبة

ماتموهان الفرحان : و لا يهمًك أبو أسراء الوردة..أفحر بخور و أطيب العنبات...و أضيف كلفه هاي الهدايا على حساب الصفقة الأيرانية لو الحكومة العراقية راح تدفع هاي الأغراض كاش

أبو أسراء الوردة مع نفسه : لك هذا شلون كاتل نفسه على الفلس...صدك ما يملئ جوف أبن آدم الا التراب

ماتموهان سنغ مع نفسه : لك هذا صدك مثل ما قالوا لي...ما يجي الا بعدم الأستقبال و عدم وضع العلم العراقي و ...بالرزايل

من أكو ثريد معناها أكو قوة

المصدر : قال رئيس المجلس الاعلى الاسلامي العراقي السيد عمار الحكيم ان العراق اليوم يجتمع في هذه قاعة مكتبه بكل تعددياته القومية والدينية والمذهبية الكريمة، وهذا دليل على أننا قادرون أن نجتمع، ونؤكد وحدة الشعب العراقي، وهو دليل أيضاً على فشل كل 

المخططات التآمرية التي ارادت تمزيق وحدتنا

و قال السيد الحكيم لمراسلنا الكولونيل سوادي أبو تنكة " ما دام أجتمعنا فمعنى ذلك أن العراق بخير...ما دام أجتمع نخبة من امراء   وشيوخ العشائر فأن  المواطن سيكون هو الرابح الأوحد من هذه المسألة ...و ما دام حصل هذا الأجتماع في مكتبي فأن مستقبل العراق سيكون بخير  و مشاكل أهل العراق كلها الى زوال " ...و عندما سأل مراسلنا السيد الحكيم عن الثمرات التي سيجنيها المواطن العراقي من هذا الأجتماع و الذي هو من المؤكد لا يتعلق بشراء ذمم هؤلاء في الأنتخابات القائمة أجابه السيد الحكيم و قال....صار وقت صلاة الظهر....من نرجع من صلاة الفجر عود أشرحلك"...و لا زال مراسلنا و معه بقية المواطنين بأنتظار بزوغ الفجر 

يوم الأسود ينفع مع الين الأصفر

المصدر دفع شخص أكثر من 3 آلاف دولار ثمنا لبطيخة في مزاد أقيم في اليابان.

وذكرت وسائل إعلام محلية أن البطيخة التي بيعت بـ 300 ألف ين (3200 دولار) جاءت من مقاطعة هوكايدو بشمال اليابان

وجرى بيع تلك البطيخة في أول مزاد علني من نوعه يقام هذا العام في بلاد الساموراي

وتمتاز تلك البطيخة بأنها لها غلافا أسود رقيقا، وتعتبر من الهدايا القيمة في اليابان، وتشتهر بزراعتها بلدة توما في مقاطعة هوكايدو

مراسلنا لشئون المال و الأقتصاد عبد الغني الدرهمي كتب لليابانيين قائلا " و هل منكم من يدفع ليعيش أيامنا المغلفة كلها بالسواد " بس ما نعرف اليابانيين راح يعرفون يقرون ما كتبه لهم الأخ الزميل الذي أستعمل اللغة الطويرجية في كتابة  رسالته لهم...العلم عند الله

ياهو اللي يبطح اللاخ ياخذ الكرسي

المصدر :أفادت مصادر سياسية من داخل الاجتماع الذي يعقد في مجلس محافظة كربلاء برعاية نائب رئيس الوزراء حسين الشهرستاني ووزير النقل هادي العامري بان خلافات حادة تدور حاليا بين أعضاء ائتلاف دولة القانون وأعضاء (تحالف كربلاء) أدت كتلة اللواء برئاسة يوسف الحبوبي، فيما لفتت إلى أن الخلافات تتمحور على منصب المحافظ ونائبه الأول، مبينة أن من أبرز 

المرشحين لمنصب المحافظ صهر رئيس الحكومة نوري المالكي وابن اخته.

وقالت المصادر  إن "الاجتماع الذي يعقده نائب رئيس الوزراء حسين الشهرستاني ووزير النقل هادي العامري وقيادات

 دولة القانون من بغداد مع أعضاء (ائتلاف دولة القانون) وأعضاء (تحالف كربلاء) في مبنى مجلس محافظة كربلاء مستمرة منذ نحو اربع ساعات ولم تسفر عن اي شيء سوى مزيد من الخلافات بين قائمة (ائتلاف دولة القانون) ومكونات (تحالف كربلاء)". 

سبحان الله...ليش ماكو هيجي أجتماعات نارية من أكو أمور تخص أمن المواطن وسلامته و حقوقه و مستحقاته...سؤال برئ من أم
ستوري الداية و التي طرحته و هي تسرع للأختباء تحت كراسي الكافيتيريا بعد سماعها أصوات أنفجارات قريبة من المبنى

أما مراسلنا علون أبو الجص فأقترح تنظيم بطولة للزورخانة بين الأطراف المتنافسة لحل هذه القضية...خوش أغتراح

تبعات سقوط شعر الرأس

المصدر : قال رئيس الوزراء الاسبق زعيم القائمة العراقية اياد علاوي انه "لم يقتل اي صحفي خلال فترة ترؤسي للحكومة، بينما الآن، يتم إستهداف وإضطهاد وحتى قتل 

الاعلاميين

و ما حصل لأهل الفلوجة في خلال ترؤسك للحكومة شتسميه يا دكتور...لو شعر الرأس من  يوكع الواحد يكوم يفقد الذاكرة....يا دكتور؟ 

خبر سعيد و تعليقات أسعد

المصدر : أكد نجم الدين كريم محافظ كركوك المخول بالتصريح عن صحة الطالباني أن صحة الرئيس العراقي الذي يتلقى العلاج في ألمانيا في تحسن مستمر، وأكثر من المتوقع، موضحا أنه تم نشر صور له بمرافقة الأطباء المشرفين على علاجه في حديقة المستشفى، وسيتم نشر فيديو له إن سنحت الفرصة لذلك. وفيما يتعلق بالأنباء التي ترددت عن إيجاد بديل للرئيس الطالباني، قال كريم إن البروفيسور المشرف أكد أن 

بمقدوره ممارسة مهامه كرئيس لجمهورية العراق 

مراسلنا محمود دعبل أستطلع آراء الشارع العيراقي بهذا الخبر السعيد . و قد تباينت 

آراء المواطنين الكرام حول فقرة غريبة في هذا الخبر و التي تشير الى أنه سيتم نشر فيديو لسيادة الرئيس ان سنحت الفرصة لذلك و التي أخترنا لكم عينة من تعليقاتهم

واحد يغدادلي  شقندحي :شنو الألمان لي هسًة ما واصلتهم تقنية التصوير بكاميرات 

الفيديو...شنو هالتخلف

 واحد من الناصرية : شنو الجو مضبب بالمستشفى أو في حديقة المستشفى حتى مدا يكدرون يصورون الماما جلال بالفيديو . لو أخاف عندهم عواصف ترابية مثلنا و لي هسًة ما أنقشعت

واحد طاكة روحه من شغلة الكهرباء : شنو بطارية كاميرات الفيديو ما دا تنشحن لأن 

الكهرباء مدا تجيهم غير ساعة باليوم لو شنو

واحد يشتغل بعلوة السمج : ليش هوه ماما جلال بعده الرئيس مالتنة.

واحد  يحب روح الدعابة :  هاي لازم مستشفى سرًي يقع التصوير فيه تحت بند "  ممنوع التصوير بكاميرات الفيديو التي يصعب فيها أدخال الفوتوشوب

واحد يحب كل أعضاء البرلمان : آنه هسة ما أريد أكولن شئ على تصوير الفيديو...بس

 أريد أن أعقب على كلام الروفيسور المشرف على علاج الماما جلال و الذي أكد أنه لا داعي لأستبدال ماما جلال لأنه بمقدوره ممارسة مهامه كرئيس...أذا الرجال صارله كم شهر و هو غائب عن العراق و ربما عن كل هذا العالم و لازال يستطيع ممارسة عمله كرئيس جمهوري كوماري عيراق زين ليش نعتب على أعضاء البرلمان اللي مكضينها عطل و أجازات خارج البلد و ما يديومون غير أسبوع بالسنة

أما أبو فليح شغيدل فقد أخذ يضرب كفا بكف و هو يقول ...شلون مخلين ماما جلال 

بمستشفى حتى كاميرات فيديو ما بيها  ...الله لا ينطيهم على هالقلب اللي مثل الحجر

 و أنتو أحبائي...شنو رأيكم؟

ابوي ما يكدر غير بس على أمًي

المصدر : الكرد: لا نعرف ماذا يقصد المالكي بتصريحاته ونقول له لا انت ولا غيرك يستطيع منعنا من تقرير المصير إذا ما أردنا

هاي شنو أبو أسراء...لعد هاي بس نايم براسنا ؟؟؟